హైదరాబాద్, 24 ఆగస్టు (హి.స.)

బంజారాహిల్స్ పోలీస్ స్టేషన్ పరిధిలో స్పా ముసుగులో వ్యభిచారం నిర్వహిస్తున్న ముఠాను పోలీసులు పట్టుకున్నారు. మిథాలీనగర్లోని ఓ అపార్ట్మెంట్లో వ్యభిచారం జరుగుతున్నట్లు సమాచారం అందడంతో పోలీసులు దాడులు నిర్వహించారు. ఈ దాడుల్లో స్పా నిర్వాహకుడు షేక్ ముస్తాక్ అహ్మద్(41), మేనేజర్ షేక్ పైసలుద్దీన్ (21), ఓ విటుడిని అదుపులోకి తీసుకున్నారు. అక్కడ ఉన్న ఇద్దరు మహిళలను బాధితులుగా గుర్తించి రక్షించారు. విచారణలో ముస్తాక్ అహ్మద్ రెండు నెలలుగా అపార్ట్మెంట్లోని ప్లాట్ను అద్దెకు తీసుకుని స్పా పేరుతో వ్యభిచారం నిర్వహిస్తున్నట్లు అంగీకరించినట్లు పోలీసులు తెలిపారు. ఈ ఘటనపై కేసు నమోదు చేసి దర్యాప్తు కొనసాగిస్తున్నారు.

---------------

హిందూస్తాన్ సమచార్ / విడియాల వెంకటేశ్వర్ రావు