హైదరాబాద్, 04 ఆగస్టు (హి.స.)

న్యూఢిల్లీలో జరుగుతున్న పార్లమెంట్ వర్షాకాల సమావేశాలు వరుసగా 12వ రోజు కూడా తీవ్ర గందరగోళం మధ్య కొట్టుమిట్టాడుతున్నాయి. ప్రతిపక్ష కూటమి సభ్యులు ఉభయ సభలలోనూ తీవ్రమైన నినాదాలు చేస్తూ సభా కార్యక్రమాలను పూర్తిగా అడ్డుకుంటున్నారని బీజేపీ జాతీయ ప్రతినిధి సంబిత్ పాత్ర ఒక ప్రత్యేక విలేకరుల సమావేశంలో ఆరోపించారు. పార్లమెంట్ సజావుగా సాగడానికి ప్రతి రోజూ కోట్ల రూపాయల ప్రజాధనాన్ని ప్రభుత్వం ఖర్చు చేస్తోందని, అయినప్పటికీ కాంగ్రెస్ మరియు దాని మిత్రపక్షాలు కనీసం 'ప్రశ్నోత్తరాల సమయం' (Question Hour) మరియు 'శూన్య గంట' (Zero Hour) కూడా జరగనివ్వకుండా పదే పదే స్పీకర్ పోడియంను ముట్టడిస్తున్నాయని ఆయన ఆగ్రహం వ్యక్తం చేశారు దేశ ప్రజలకు సంబంధించిన కీలకమైన బిల్లులపై చర్చలు జరగకుండా ప్రతిపక్షాలు ద్వంద్వ ప్రమాణాలను పాటిస్తున్నాయని, ప్రజా సమస్యలపై మాట్లాడకుండా కేవలం రాజకీయ ప్రయోజనాల కోసమే సభను బహిష్కరిస్తున్నాయని అధికార పక్షం ఆరోపించింది

---------------

హిందూస్తాన్ సమచార్ / Santhosha Laxmi