హైదరాబాద్, 07 ఆగస్టు (హి.స.)

భారత ప్రభుత్వ క్యాబినెట్ ఈ రోజు ఉదయం ఉపాధ్యాయుల శిక్షణ మరియు పాఠశాలల మౌలిక వసతుల కల్పనకు సంబంధించి సరికొత్త నిధులను మంజూరు చేసింది. జాతీయ విద్యా విధానంలో భాగంగా గ్రామీణ ప్రాంతాల్లోని ప్రభుత్వ పాఠశాలలను డిజిటలైజ్ చేయడానికి రూ. 5,000 కోట్లను కేటాయిస్తున్నట్లు ప్రకటించింది. ఈ నిధులతో దేశవ్యాప్తంగా లక్షకు పైగా తరగతి గదులను స్మార్ట్ క్లాస్‌రూములుగా మార్చనున్నారు .

ఈ ఉదయం జరిగిన ఉన్నత స్థాయి సమావేశంలో కేంద్ర విద్యాశాఖ మంత్రి మాట్లాడుతూ, ప్రాథమిక విద్య నుండే విద్యార్థులకు కోడింగ్ మరియు వృత్తి విద్యా నైపుణ్యాలను అందించడం ఈ ప్రాజెక్ట్ ముఖ్య ఉద్దేశమని తెలిపారు. ప్రతిభ గల గ్రామీణ విద్యార్థులకు ఉచిత టాబ్లెట్లు, ఇంటర్నెట్ సౌకర్యం కల్పించేందుకు రాష్ట్ర ప్రభుత్వాలతో కలిసి కేంద్రం పనిచేయనుంది. దీనివల్ల నగరాలు, గ్రామాల్లోని విద్యా ప్రమాణాల మధ్య ఉన్న వ్యత్యాసం తగ్గుతుందని ప్రభుత్వం భావిస్తోంది.

---------------

హిందూస్తాన్ సమచార్ / Santhosha Laxmi