హైదరాబాద్, 19 సెప్టెంబర్ (హి.స.) తెలంగాణ రాష్ట్రం కృష్ణా జలాలను వాడుకోవడంలో పూర్తిగా విఫలం అయిందని మాజీ మంత్రి హరీష్ రావు పేర్కొన్నారు. శనివారం తెలంగాణ భవన్లో మీడియాతో మాట్లాడిన ఆయన.. ఈ ఏడాది శ్రీశైలంలో ఇప్పటికే 84 టీఎంసీలు తీసుకున్నట్లు ఉత్తమ్ చెప్పారని కల్వకుర్తికి ఇప్పటి వరకు కేవలం 8 టీఎంసీలు ఎత్తిపి 84 టీఎంసీలు అని చెప్పారని మండిపడ్డారు.

కల్వకుర్తికి నీళ్లు ఎత్తిపోసే వెల్లూరు 5 మోటార్లకు గాను కేవలం 2 మోటార్లు నడుపుతున్నారని మరో వైపు ఏపీ ప్రభుత్వం పోతిరెడ్డిపాడు, వెలిగొండకు నీళ్లు తరలించుకుపోతోందన్నారు. ఈ మూడేళ్లలో ఏపీ 718 టీఎంసీలు వాడితే తెలంగాణ కేవలం 216 టీఎంసీలు వాడిందని ధ్వజమెత్తారు.

తెలంగాణ ఏర్పడిన తర్వాత అతి తక్కువ వినియోగం 2024-2025 లో జరిగిందని 2025-26లో కేవలం 25 శాతం నీళ్లు మాత్రమే వాడుకున్నదని ఆరోపించారు. ఇది కాలం తెచ్చిన కరువు కాదని కాంగ్రెస్ తెచ్చిన కరువు అని ఆరోపించారు.

హిందూస్తాన్ సమచార్ / సంపత్ రావు, జర్నలిస్ట్..