హైదరాబాద్ , 21 సెప్టెంబర్ (హి.స.)రాజేంద్రనగర్ పోలీస్ స్టేషన్ పరిధిలోని

వట్టేపల్లి ప్రాంతంలో చిన్న మొత్తంలో చిల్లర డబ్బుల విషయంలో మొదలైన వివాదం తీవ్ర హింసకు దారితీసి ఒక ఆటో డ్రైవర్ ప్రాణాలు కోల్పోయిన ఘటన కలకలం రేపింది. ఆదివారం రాత్రి ఈ ఘటన చోటుచేసుకుంది. మృతుడిని స్థానిక నివేదికల ప్రకారం 42 ఏళ్ల మహ్మద్ ముకర్రంగా గుర్తించారు.

పోలీసుల సమాచారం ప్రకారం ఆటో చార్జీకి సంబంధించిన రూ.10 చిల్లర విషయంలో డ్రైవర్కు కొందరితో వాగ్వాదం జరిగింది. ఆ తర్వాత పరిస్థితి అదుపు తప్పి కొట్టుకోవడానికి దారితీసినట్లు సమాచారం. తీవ్రంగా గాయపడిన ఆటో డ్రైవర్ మరణించాడు. ఈ ఘటనపై పోలీసులు కేసు నమోదు చేసి దర్యాప్తు ప్రారంభించారు. అయితే దాడికి సంబంధించిన పూర్తి కారణాలు, నిందితుల పాత్ర, ఘటనకు ముందు జరిగిన పరిణామాలు వంటి అంశాలను పోలీసులు ఇంకా పరిశీలిస్తున్నారు.

---------------

హిందూస్తాన్ సమచార్ / పుట్టా సుమన్