న్యూఢిల్లీ, 24 సెప్టెంబర్ (హి.స.)

భారతీయ పర్యాటకులకు తమ దేశంలో అడుగుపెట్టడం మరింత సులభతరం చేయాలని అర్జెంటీనా ప్రభుత్వం నిర్ణయించింది. ఇరు దేశాల మధ్య పర్యాటక బంధాన్ని మరింత దృఢం చేసే దిశగా ఆ దేశ రాయబారి మార్సెస్ కాసినో కీలక ప్రకటన చేశారు. భారతీయ టూరిస్టుల కోసం వీసా నిబంధనలను సరళతరం చేయడంతో పాటు ప్రయాణ ప్రక్రియను వేగవంతం చేస్తున్నట్లు ఆయన వెల్లడించారు.

భారత్ నుంచి లాటిన్ అమెరికా పర్యటనలకు వెళ్లే వారి సంఖ్య గమనించదగ్గ రీతిలో పెరుగుతోంది. ఈ నేపథ్యంలో భారతీయ ప్రయాణికులను ఆకర్షించేందుకు అర్జెంటీనా ప్రత్యేక రాయితీలు మరియు మెరుగైన వసతులను కల్పిస్తోంది. ఈ నూతన ప్రయాణ విధానం ద్వారా రెండు దేశాల మధ్య సాంస్కృతిక సంబంధాలు బలపడటంతో పాటు పర్యాటక రంగం నూతన శిఖరాలను తాకుతుందని రాయబారి ఆశాభావం వ్యక్తం చేశారు.

---------------

హిందూస్తాన్ సమచార్ / Santhosha Laxmi