ఢిల్లీ,,ఫిబ్రవరి 03( హింస) గుజరాత్ సహకార డెయిరీ అయిన అమూల్ శుక్రవారం కీలక నిర్ణయం తీసుకుంది. శుక్రవారం నుంచి అమూల్ పాలు లీటరుపై మూడు రూపాయలు పెంచుతున్నట్లు గుజరాత్ డెయిరీ ప్రకటించింది. అమూల్ గోల్డ్ పాలు లీటరు ధర 66రూపాయలకు పెంచింది.(Hike) అమూల్ తాజా పాలు లీటరు ధర రూ.54, అమూల్ ఆవు పాలు లీటరు ధర రూ.56, అమూల్ ఏ2 గేదె పాల ధర లీటరు 70రూపాయలకు పెంచుతూ అమూల్ డెయిరీ నిర్ణయం తీసుకుంది.

శుక్రవారం నుంచి దేశవ్యాప్తంగా పెరిగిన అమూల్ పాల ధరల జాబితాను గుజరాత్ కోఆపరేటివ్ మిల్క్ మార్కెటింగ్ ఫెడరేషన్ లిమిటెడ్ సేల్స్ సీనియర్ మేనేజర్ ప్రకాష్ ఔటే విడుదల చేశారు. అమూల్ పాల ధరలను గత ఏడాది అక్టోబరులో రెండు రూపాయలు పెంచింది. పాల ఉత్పత్తి వ్యయంతోపాటు డెయిరీ నిర్వహణ వ్యయం పెరగడం వల్ల పాల ధరల పెంచామని అమూల్ డెయిరీ తెలిపింది. కేవలం పశువుల దాణా వ్యయం 20 శాతం పెరిగిందని అమూల్ వివరించింది.

హిందుస్థాన్ సమాచార/ నాగరాజ్