తెలంగాణ రంగా రెడ్డి షాద్ నగర్ ఏప్రిల్:25(హిం స) ప్రపంచ మలేరియా దినోత్సవం సందర్భంగా గురువారం షాద్ నగర్ పట్టణంలోని ప్రభుత్వ ఆసుపత్రి నుండి పట్టణ ముఖ్య కూడలి వరకు వైద్య సిబ్బంది ర్యాలీని నిర్వచించారు. ఈ ర్యాలీ ని జిల్లా వైద్యాధికారి డాక్టర్ బి వెంకటేశ్వరరావు ప్రారంభించారు. ఈ ర్యాలీ లో మలేరియా నిర్మూలన కు సంబంధించిన మలేరియా స్లొగన్స్ చెబుతూ , ర్యాలీ చౌరస్తాలో మలేరియా నివారణ కార్యక్రమాల గురించి నినాదాలు చేశారు.

అనంతరం ఫరూఖ్ నగర్ ఎంపీడీవో ఆఫీసులో షాద్ నగర్ డివిజన్ లోని వైద్యాధికారులకు , హెల్త్ సూపర్వైజర్లకు, ఎం ఎల్ హెచ్ పి వైద్య అధికారులకు, ఏఎన్ఎం, ఆశలకు మలేరియా పైన జిల్లా వైద్యాధికారి డాక్టర్ వెంకటేశ్వరరావు, జిల్లా మలేరియా డాక్టర్ రాకేష్, డిప్యూటీ డిఎం అండ్ హెచ్ ఓ డాక్టర్ విజయలక్ష్మి అవగాహన కల్పించారు. ఈ కార్యక్రమంలో హెల్త్ ఎడ్యుకేటర్ శ్రీనివాసులు, అన్ని ప్రాథమిక ఆరోగ్య కేంద్రాల వైద్యాధికారులు, రంగారెడ్డి జిల్లా మలేరియా ఆఫీసు సిబ్బంది, అన్ని ప్రాథమిక ఆరోగ్య కేంద్రాల హెల్త్ సూపర్వైజర్లు, ఏఎన్ఎంలు, ఆశాలు పాల్గొన్నారు.

జనార్థన్ రెడ్డి రంగా రెడ్డి జిల్లా హిందుస్థాన్ సమాచార్