హైదరాబాద్, 26 ఆగస్టు (హి.స.)ఈ సీజన్‌లో చివరి గ్రాండ్‌స్లామ్‌ టోర్నీ ‘యుఎస్‌ ఓపెన్‌’ నేడు ఆరంభం కానుంది. సోమవారం (ఆగష్టు 26) నుంచి మెయిన్ డ్రా మ్యాచ్‌లు జరగనున్నాయి. పురుషులు, మహిళల సింగిల్స్‌లో ఎంతోమంది స్టార్ ప్లేయర్లు ఉన్నా.. అందరి దృష్టి మాత్రం సెర్బియా యోధుడు, రికార్డుల రారాజు నొవాక్‌ జకోవిచ్‌పైనే ఉంది. జకో డిఫెండింగ్ ఛాంపియన్‌ టైటిల్ నిలబెట్టుకుంటాడా?, 25వ విజయంతో మార్గరెట్‌ కోర్ట్‌ (24)ను వెనక్కి నెడతాడా? అని ఫాన్స్ ఆశగా ఎదురుచూస్తున్నారు. ఇప్పటికే అత్యధిక గ్రాండ్‌స్లామ్‌ టైటిళ్లు గెలిచిన పురుష టెన్నిస్‌ ఆటగాడిగా నొవాక్‌ జకోవిచ్‌ రికార్డు నెలకొల్పాడు. ఇటీవల ముగిసిన పారిస్ ఒలింపిక్స్‌ 2024లో గోల్డ్ మెడల్ గెలిచి.. తన సుదీర్ఘ స్వర్ణ కలను సాకారం చేసుకున్నాడు. జకో ఎన్నో విజయాలు, ఘనతలు సాధించాడు.
---------------
హిందూస్తాన్ సమచార్ / నాగరాజ్ రావు
