హైదరాబాద్, 16 సెప్టెంబర్ (హి.స.)

వినాయక చవితి ఉత్సవాలు

మహానగరంలో అంగరంగ వైభవంగా జరుగుతున్నాయి. నవరాత్రులు పూర్తి చేసుకున్న గణపయ్య ను నిమజ్జనం చేసేందుకు నిర్వాహకులు భారీ ఏర్పాట్లు చేస్తున్నారు. ఈ క్రమంలో వినాయక విగ్రహాల నిమజ్జనం ఏర్పాట్లపై సీఎం రేవంత్ రెడ్డి సమీక్ష నిర్వహించారు. ఈ సమీక్షకు హైదరాబాద్ సీపీ సీవీ ఆనంద్ హజరయ్యారు. ఈ సందర్భంగా ట్యాంక్ బండ్ సహా నగరంలో వినాయక నిమజ్జనం కోసం ఏర్పాటు చేసిన చెరువలు వివరాలను కమిషనర్ సీఎంకు వివరించారు. ఈ క్రమంలో.. నిమజ్జనాల పర్యవేక్షణ కోసం ట్యాంక్ బండ్, మండపాలు, చెరువుల దగ్గర మొత్తం 733 సీసీ కెమెరాలు ఏర్పాటు చేసినట్లు తెలిపారు. అలాగే సమస్యాత్మక ప్రాంతాలను గుర్తించి వాటి పై ప్రత్యేక దృష్టి కేంద్రికరించామని తెలిపారు. ఈ క్రమంలో వినాయక నిమజ్జనంలో ఎలాంటి ఇబ్బందులు రాకుండా చూడాలని సీఎం రేవంత్ రెడ్డి అధికారులకు ఆదేశాలు జారీ చేశారు.

---------------

హిందూస్తాన్ సమచార్ / బచ్చు రంజిత్ కుమార్, జర్నలిస్ట్