తెలంగాణ, భద్రాచలం. 27 జూన్ (హి.స.)

భద్రాచలంలోని శ్రీ సీతారామ చంద్రస్వామి వారి దేవస్థానానికి ఓ భక్తుడు భారీ విరాళం సమర్పించారు. తన భక్తిభావాన్ని చాటుకుంటూ సుమారు రూ.12 లక్షల విలువైన వెండి కవచాలను స్వామివారికి కానుకగా అందజేశారు. వివరాల్లోకి వెళితే… సంతోష్ కుమార్‌ రెడ్డి, సాహిత్య దంపతులు 9 కేజీల వెండితో సీతారామ లక్ష్మణులకు కవచాలను ప్రత్యేకంగా తయారు చేయించారు. స్వామివారికి శుక్రవారం ఉదయం ప్రత్యేక పూజలు చేసి వాటిని సమర్పించారు. భక్తిశ్రద్ధలతో సమర్పించిన ఈ కానుకను ఆలయ అధికారులు స్వీకరించి, దాతకు స్వామివారి ఆశీస్సులు అందజేశారు.

హిందూస్తాన్ సమచార్ / విడియాల వెంకటేశ్వర్ రావు