అమరావతి , 27 అక్టోబర్ (హి.స.)

రాష్ట్రంలో ఎంపీటీసీ, జడ్పీటీసీ ఎన్నికలకు సంబంధించి అభ్యర్థుల తుది జాబితాను రాష్ట్ర ఎన్నికల సంఘం నేడు ప్రకటించనుంది. ఈ ఎన్నికల్లో పోటీ చేయనున్న అభ్యర్థుల వివరాలపై స్పష్టత రానుండటంతో రాజకీయ పార్టీలతో పాటు అభ్యర్థుల్లోనూ ఆసక్తి నెలకొంది. నామినేషన్ల పరిశీలన, ఉపసంహరణ ప్రక్రియలకు సంబంధించిన అధికారిక చర్యల అనంతరం తుది జాబితాను వెల్లడించేందుకు ఎన్నికల అధికారులు సిద్ధమయ్యారు.

రాష్ట్రవ్యాప్తంగా మొత్తం 9,829 ఎంపీటీసీ స్థానాలు, 659 జడ్పీటీసీ స్థానాలకు ఎన్నికలు జరగనున్నాయి. ఈ స్థానాల్లో పోటీ చేసే అభ్యర్థుల పేర్లు తుది జాబితాలో చోటు చేసుకోనున్నాయి. జాబితా ప్రకటనతో ఆయా ప్రాంతాల్లో ఎన్నికల బరిలో నిలిచిన అభ్యర్థుల సంఖ్యపై స్పష్టత ఏర్పడనుంది. దీంతో గ్రామీణ ప్రాంతాల్లో రాజకీయ సమీకరణాలు మరింత ఆసక్తికరంగా మారే అవకాశం ఉంది.

ఎన్నికల బరిలో నిలిచిన అభ్యర్థులు తమ ప్రచార కార్యక్రమాలను ముమ్మరం చేసేందుకు సిద్ధమవుతున్నారు. ప్రధాన రాజకీయ పార్టీలు తమ అభ్యర్థుల విజయమే లక్ష్యంగా స్థానికంగా వ్యూహాలు రూపొందిస్తున్నాయి. ఓటర్లను ఆకట్టుకునేందుకు ప్రచార ప్రణాళికలను సిద్ధం చేసుకుంటున్నాయి.

---------------

హిందూస్తాన్ సమచార్ / పుట్టా సుమన్