హైదరాబాద్ , 05 అక్టోబర్ (హి.స.)తెలంగాణలో నిత్యావసర వస్తువుల ధరల పెరుగుదలపై భీఆర్ఎస్ నేత, మాజీ మంత్రి టి. హరీశ్రావు ప్రభుత్వాన్ని ప్రశ్నించారు. ముఖ్యంగా సన్న బియ్యం ధరలు పెరుగుతున్నాయని, కొన్ని రకాల బియ్యం ధరల్లో గణనీయమైన పెరుగుదల కనిపిస్తోందని ఆయన ఆరోపించారు. ధరల నియంత్రణకు ప్రభుత్వం వెంటనే చర్యలు తీసుకోవాలని, నిల్వలు దాచిపెట్టి కృత్రిమ కొరత సృష్టించే వ్యాపారులపై చర్యలు తీసుకోవాలని డిమాండ్ చేశారు.

బియ్యం తెలంగాణ ప్రజల రోజువారీ ఆహారంలో అత్యంత ముఖ్యమైన నిత్యావసర వస్తువు. అందువల్ల దాని ధరలో స్వల్ప పెరుగుదల కూడా కుటుంబాల నెలవారీ బడ్జెట్పై ప్రభావం చూపుతుంది అన్నారు. బియ్యంతో పాటు ఇతర నిత్యావసర వస్తువుల ధరలు కూడా పెరిగితే కుటుంబాల ఖర్చులపై ఒత్తిడి మరింత పెరుగుతుంది అని అన్నారు.

---------------

హిందూస్తాన్ సమచార్ / పుట్టా సుమన్