హైదరాబాద్, 06 నవంబర్ (హి.స.)

న్యూజిలాండ్తో రెండు టెస్టుల సిరీస్కు ముందు భారత జట్టుకు మంచి మ్యాచ్ ప్రాక్టీస్ దొరికేలా కనిపిస్తోంది. గాయాల సమస్యతో ఇబ్బంది పడుతున్న న్యూజిలాండ్ ఎ జట్టుకు ఈ పోరు మరింత కష్టంగా మారనుండగా, స్టార్ ప్లేయర్ల రాకతో ఇండియా ఎ జట్టు ఒక్కసారిగా పటిష్ఠంగా మారిపోయింది. శనివారం నుంచి లింకన్ వేదికగా న్యూజిలాండ్ ఎ తో జరగనున్న మూడో, చివరి నాలుగు రోజుల రెడ్ బాల్ మ్యాచ్లో భారత స్టార్లు బరిలోకి దిగనున్నారు. ప్రధాన పేసర్ జస్ప్రీత్ బుమ్రా, ప్రసిద్ధ్ కృష్ణ, సీనియర్ ఆల్రౌండర్ రవీంద్ర జడేజా ఇండియా ఎ జట్టులో చేరనున్నారు. ఈ మ్యాచ్ ద్వారా వారు టెస్ట్ సిరీస్కు ముందు తమ ఫామ్, ఫిట్నెస్ను పరీక్షించుకోనున్నారు. ఇందులో అందరి కళ్లు బుమ్రాపైనే ఉన్నాయి. అక్టోబర్ 3న జరిగిన ఏషియన్ గేమ్స్ ఫైనల్ తర్వాత ఆయన మళ్లీ రెడ్ బాల్ క్రికెట్ ఆడబోతుండటం విశేషం. న్యూజిలాండ్ టూర్లో జరుగుతున్న ఐదు మ్యాచ్ల వన్డే సిరీస్కు వర్క్లోడ్ మేనేజ్మెంట్లో భాగంగా బుమ్రాకు విశ్రాంతి ఇచ్చి, టెస్ట్ ఫార్మాట్కు సిద్ధం చేసేలా ప్రణాళిక వేశారు. ఈ నాలుగు రోజుల పోరులో బుమ్రా బౌలింగ్తో పాటు ప్రసిద్ధ్ కృష్ణ పేస్, జడేజా ఆల్రౌండ్ పెర్ఫార్మెన్స్పై అభిమానుల్లో ఆసక్తి నెలకొంది.

---------------

హిందూస్తాన్ సమచార్ / విడియాల వెంకటేశ్వర్ రావు