హైదరాబాద్, 16 జూన్ (హి.స.)

వైద్యకళాశాలల్లో ప్రవేశాలకు ఉద్దేశించిన నీట్ పరీక్షను తిరిగి నిర్వహించనున్న నేపథ్యంలో కేంద్రం కీలకనిర్ణయం తీసుకుంది. పరీక్షకు సంబంధించి సమాచారం లీక్ చేసేందుకు అవకాశం లేకుండా మెసేజింగ్ ప్లాట్ఫాం టెలిగ్రామ్ను తాత్కాలికంగా బ్లాక్ చేసింది. ఎన్టీఏ సిఫార్స్ మేరకు కేంద్రం ఈ నిర్ణయం తీసుకుంది. అయితే ఈ ఆంక్షలు కేవలం పరీక్షా సమయం, ఆ తర్వాత కొంతకాలానికి మాత్రమే పరిమితమని ఎన్టీఏ పేర్కొంది.

ఈ నిర్ణయం వల్ల టెలిగ్రామ్ను ఉపయోగించే లక్షలాది మంది యూజర్లకు కలిగే అసౌకర్యానికి చింతిస్తున్నట్లు ఎన్టీఏ తెలిపింది. జూన్ 30వరకు 'మెసేజ్-ఎడిటింగ్' ఫీచర్ను కూడా నిలిపివేయాలని టెలిగ్రామ్ను కేంద్రప్రభుత్వం ఆదేశించింది. గతంలో అడ్మినిస్ట్రేటర్లు అంతకుముందు పోస్ట్ చేసిన సందేశాలను ఎడిట్ చేయడానికి, అటాచ్ చేసిన ఫైళ్లను మార్చినప్పటికీ టైమ్స్టాంప్ అలాగే ఉండేలా చేయడానికి ఈ ఫీచర్ను దుర్వినియోగం చేశారని, తద్వారా పేపర్ లీక్ అయినట్లు తప్పుడు ఆధారాలను సృష్టించారని తెలిపింది. నీట్ అభ్యర్థులను మోసగించడానికి చీటింగ్ రాకెట్లు ఈ ప్లాట్ఫారమ్ను వ్యవస్థీకృతంగా వినియోగిస్తుండటానికి ప్రతిస్పందనగా శాంతిభద్రతల పరిరక్షణ ప్రజాప్రయోజనాల దృష్ట్యా ఈ చర్యలు తీసుకున్నట్లు స్పష్టం చేసింది.

---------------

హిందూస్తాన్ సమచార్ / Santhosha Laxmi