హైదరాబాద్, 27 జూలై (హి.స.)

భారత మాజీ రాష్ట్రపతి, సుప్రసిద్ధ శాస్త్రవేత్త, 'మిస్సైల్ మ్యాన్' డాక్టర్ ఏపీజే అబ్దుల్ కలాం వర్ధంతి సందర్భంగా ఈరోజు (2026 జూలై 27, సోమవారం) దేశవ్యాప్తంగా ప్రజలు, ప్రముఖులు ఆయనకు ఘన నివాళులర్పిస్తున్నారు. 2015 జూలై 27న షిల్లాంగ్‌లోని ఐఐఎంలో విద్యార్థులను ఉద్దేశించి ప్రసంగిస్తూ ఆయన గుండెపోటుతో తుదిశ్వాస విడిచిన సంగతి తెలిసిందే. దేశ రక్షణ రంగంలో క్షిపణి వ్యవస్థల అభివృద్ధికి, పోఖ్రాన్ అణు పరీక్షల విజయానికి ఆయన చేసిన సేవలను స్మరించుకుంటూ రాష్ట్రపతి ద్రౌపది ముర్ము, ప్రధాని నరేంద్ర మోదీలతో పాటు పలువురు రాజకీయ, శాస్త్ర సాంకేతిక రంగాల ప్రముఖులు సామాజిక మాధ్యమాల ద్వారా నివాళులు అర్పించారు. ముఖ్యంగా యువతలో, విద్యార్థులలో నూతన ఉత్తేజాన్ని, దేశభక్తిని నింపిన అబ్దుల్ కలాం ఆదర్శాలు ఎప్పటికీ చిరస్మరణీయంగా నిలుస్తాయని వారు కొనియాడారు.

---------------

హిందూస్తాన్ సమచార్ / Santhosha Laxmi