అయోధ్య, 03 జూలై (హి.స.)

అయోధ్య నిధుల సంఘటన దురదృష్టకరం.. తామందరమూ తీవ్ర వేదనకు గురయ్యామని రాష్ట్రీయ స్వయంసేవక్ సంఘ్ సర్ కార్యవాహ దత్తాత్రేయ హోసబళే అన్నారు. ఈ మేరకు రాష్ట్రీయ స్వయంసేవక్ సంఘ్ జూన్ 3 న ఓ పత్రికా ప్రకటనను విడుదల చేసింది. అయోధ్య రామాలయ నిధులు చోరికి గురైన సంఘటన దురదృష్టకరమని, యావత్ రామ భక్తుల మనోభావాలను, విశ్వాసాన్ని గాయపరిచిందన్నారు.

తరతరాల పోరాటాలు, లక్షలాది మంది రామ భక్తుల అంకిత భావం, ఆత్మ త్యాగం, అత్యున్నత త్యాగాల ఫలితంగా రాముడి జన్మ స్థలంలో భవ్యమైన రామాలయం నిర్మించారన్నారు. ఈ దేవాలయం యావత్ హిందూ సమాజానికి గౌరవానికి, విశ్వాసానికి, భక్తికి కేంద్రంగా మారిపోయిందన్నారు.

శ్రీ రామ జన్మభూమి తీర్థ క్షేత్ర ట్రస్ట్ యొక్క గట్టి అభ్యర్థన మేరకు, ఉత్తరప్రదేశ్ ప్రభుత్వం ఒక ప్రత్యేక దర్యాప్తు బృందాన్ని ఏర్పాటు చేసి, దాని సిఫార్సుల ఆధారంగా చట్టపరమైన చర్యలను ప్రారంభించిందని గుర్తు చేశారు., దర్యాప్తులో దోషులుగా తేలిన వారికి కఠిన శిక్ష పడాల్సిన అవసరం వుందని నొక్కి చెప్పారు.

రాష్ట్రీయ స్వయంసేవక్ సంఘ్ తో సహా యావత్ హిందూ సమాజం ఈ అంశాన్ని ఓ అసాధారణమైన అంశగా పరిగణించాలని, అలాగే ఆలయ నిర్వహణ మరియు కార్యకలాపాలలో ఉన్న లోపాలన్నింటినీ సరిదిద్దడానికి సమర్థవంతమైన చర్యలు తీసుకోవాలని ట్రస్ట్ నుంచి ఆశించడం అత్యంత సహజమన్నారు.అయోధ్య ఆలయంపై కోట్లాది రామ భక్తుల విశ్వాసం, భక్తి చెక్కుచెదరకుండా, స్థిరంగా ఉండేలా చూడటానికి ఇది అత్యంత కీలకమని, ప్రస్తుతం గందరగోళం, అనిశ్చితికి తెరపడాలని కోరుకున్నారు.

ఈ విషయంలో, ఆలయ నిర్వహణ మరియు ప్రభుత్వం నియమించిన ప్రత్యేక దర్యాప్తు బృందం (SIT) అవసరమైన అన్ని చర్యలు తీసుకుంటుందని తాము ఆశిస్తున్నట్లు హోసబళే పేర్కొన్నారు. సరైన ఆర్థిక నిర్వహణ, పారదర్శకతతో కూడిన కార్యకలాపాలు, స్వచ్ఛత, పవిత్రత, ధార్మికతతో కూడిన వాతావరణం ద్వారా 'శ్రీ రామ జన్మభూమి తీర్థ క్షేత్ర ట్రస్ట్' హిందూ సమాజం యొక్క విశ్వాసాన్ని మరియు నమ్మకాన్ని మరింత బలోపేతం చేస్తూనే ఉంటుందన్న నమ్మకం తమకు పూర్తిగా వుందని హోసబళే నొక్కి చెప్పారు.

ఈ దురదృష్టకర సంఘటనను ఆసరాగా చేసుకుని హిందూ ధర్మాన్ని మరియు సమాజాన్ని అప్రతిష్టపాలు చేయాలని చూస్తున్న హిందూ-వ్యతిరేక, దేశ-వ్యతిరేక శక్తుల కుట్రలను తిప్పికొట్టాలని పిలుపునిచ్చారు. ఈ క్లిష్ట సమయంలో తగినంత సహనం మరియు సంయమనాన్ని పాటించాలని రాష్ట్రీయ స్వయంసేవక్ సంఘ్ యావత్ హిందూ సమాజానికి పిలుపునిస్తోందని తెలిపారు.

---------------

హిందూస్తాన్ సమచార్ / Santhosha Laxmi