ప్రకాశం:, 26 ఆగస్టు (హి.స.)

ప్రకాశం జిల్లాలోని వెలిగొండ ప్రాజెక్టు పరిధిలోని ఫీడర్ కెనాల్‌ వద్ద రెగ్యులేటర్ గేట్లు అమర్చే పనులను జలవనరుల శాఖ మంత్రి నిమ్మల రామానాయుడు నేరుగా పరిశీలించారు. త్వరలోనే ముఖ్యమంత్రి చంద్రబాబు నాయుడు ఈ ప్రాంతంలో పర్యటించనున్న నేపథ్యంలో అక్కడ జరుగుతున్న అభివృద్ధి ఏర్పాట్లను అధికారులతో కలిసి సమీక్షించారు. అనంతరం ప్రాజెక్టు నిర్వాసితుల కాలనీలను సందర్శించి, వారికి అవసరమైన రహదారులు, తాగునీరు వంటి ప్రాథమిక మౌలిక వసతులను యుద్ధప్రాతిపదికన కల్పించాలని అధికారులను ఆదేశించారు. దశాబ్దాల తరబడి నిరీక్షిస్తున్న ఫ్యామిలీ నిర్వాసితులకు ప్రభుత్వం అన్ని విధాలా అండగా ఉంటుందని, నల్లమల మరియు రాయలసీమ ప్రాంతాలకు తాగు, సాగునీరు అందించడమే తమ తొలి ప్రాధాన్యమని స్పష్టం చేశారు.

---------------

హిందూస్తాన్ సమచార్ / Santhosha Laxmi