జమ్మూ-కశ్మీర్‌, 12 సెప్టెంబర్ (హి.స.)

జమ్మూ-కశ్మీర్‌లో లష్కర్‌-ఏ-తైబా ఉగ్రవాద కుట్రకు సంబంధించి నేషనల్ ఇన్వెస్టిగేషన్ ఏజెన్సీ (ఎన్ఐఏ) అధికారులు పలు ప్రాంతాల్లో సోదాలు నిర్వహించారు. పాకిస్థాన్ కేంద్రంగా పనిచేస్తున్న లష్కర్ హ్యాండ్లర్లు, స్థానిక ఓవర్ గ్రౌండ్ వర్కర్ల ఉగ్ర కుట్రను ఛేదించేందుకు ఈ దాడులు జరిగాయి. కుప్వారా, కుల్గాం, బండిపొర, బారాముల్లా తదితర ప్రాంతాల్లోని పలు నివాసాల్లో ఏకకాలంలో సోదాలు చేపట్టారు. చొరబాటుదారులకు ఆశ్రయం కల్పించడం, వారికి లాజిస్టిక్స్ మరియు రవాణా సదుపాయాలు అందిస్తున్న అనుకూల నెట్‌వర్క్‌ను లక్ష్యంగా చేసుకుని ఈ చర్యలు తీసుకున్నారు. ఈ తనిఖీల్లో కీలకమైన పత్రాలు, డిజిటల్ సాక్ష్యాలను అధికారులు స్వాధీనం చేసుకున్నారు.

---------------

హిందూస్తాన్ సమచార్ / Santhosha Laxmi