హైదరాబాద్, 18 సెప్టెంబర్ (హి.స.)

కేంద్ర ఆర్థిక మంత్రి నిర్మలా సీతారామన్ శుక్రవారం న్యూఢిల్లీలో ప్రారంభమైన రెండు రోజుల రాష్ట్రాల ఆర్థిక మంత్రులు మరియు కార్యదర్శుల సదస్సులో పాల్గొన్నారు. వికసిత్ భారత్ వైపు భారతదేశ పయనం - నిధుల సమకూర్పు (Financing India’s Journey towards Viksit Bharat) అనే ప్రధానాంశంతో కేంద్ర ఆర్థిక మంత్రిత్వ శాఖ ఈ సదస్సును నిర్వహిస్తోంది. 2047 నాటికి భారత్‌ను అభివృద్ధి చెందిన దేశంగా తీర్చిదిద్దే లక్ష్యంలో భాగంగా కేంద్ర, రాష్ట్ర ప్రభుత్వాల ఆర్థిక ప్రాధాన్యతలు, విధానాల మధ్య సమన్వయం సాధించడమే ఈ సదస్సు ముఖ్య ఉద్దేశం.

ఈ సదస్సులో ప్రధానంగా మూడు కీలక రంగాలపై సుదీర్ఘంగా చర్చిస్తున్నారు. స్థూల ఆర్థిక ముఖచిత్రం (Macroeconomic developments), వ్యవసాయ రంగంలో విప్లవాత్మక మార్పులకు అవసరమైన నిధుల సమీకరణ (Financing agricultural transformation), మరియు క్లీన్ ఎనర్జీ దిశగా ఇంధన మార్పిడి (Financing the energy transition) అనే అంశాలపై దృష్టి సారించారు. దీనితో పాటు రాబోయే జిఎస్‌టి కౌన్సిల్ సమావేశానికి ముందస్తుగా 'జిఎస్‌టి 2.0' సంస్కరణల వల్ల రాష్ట్రాల ఆదాయంపై పడే ప్రభావాలు, ప్రైవేటు పెట్టుబడులను ప్రోత్సహించే మార్గాలపై సమావేశంలో విస్తృతంగా విశ్లేషిస్తున్నారు.

ఆర్థిక వ్యవహారాల శాఖ కార్యదర్శి అనురాధ ఠాకూర్ ప్రారంభోత్సవ ప్రసంగంతో ప్రారంభమైన ఈ కార్యక్రమంలో, 15వ ఆర్థిక సంఘం మాజీ ఛైర్మన్ ఎన్.కె. సింగ్ కీలక ఉపన్యాసం చేశారు. రాష్ట్రాల పక్షాన నిధుల లభ్యత, సవాళ్లపై మహారాష్ట్ర మాజీ ఆర్థిక కార్యదర్శి సుధీర్ శ్రీవాస్తవ పలు ప్రతిపాదనలు చేశారు. వివిధ రాష్ట్రాల ఆర్థిక మంత్రులు, ముఖ్యమంత్రులు మరియు సీనియర్ అధికారులు హాజరైన ఈ సదస్సు, దేశ ఆర్థిక ప్రగతికి అనుగుణంగా బడ్జెట్ కేటాయింపులను సమర్థవంతంగా నిర్వహించేందుకు పునాది వేస్తుందని అధికారులు తెలిపారు.

ఈ కార్యక్రమంలో ఎయిర్ చీఫ్ మార్షల్ ఎపి సింగ్, హెచ్ఏఎల్ సీఎండి మరియు రక్షణ రంగ ఉన్నతాధికారులు పాల్గొన్నారు. స్వదేశీ రక్షణ విమానాల తయారీలో భారత్ వేగంగా ముందడుగు వేస్తోందనడానికి ఈ ఘట్టం నిదర్శనంగా నిలిచింది.

హిందూస్తాన్ సమచార్ / Santhosha Laxmi