న్యూఢిల్లీ, 02 సెప్టెంబర్ (హి.స.)

న్యూఢిల్లీలోని భారత్ మంటపంలో సెప్టెంబర్ 12, 13 తేదీల్లో జరగనున్న 18వ బ్రిక్స్ శిఖరాగ్ర సదస్సులో ఐక్యరాజ్యసమితి ప్రధాన కార్యదర్శి ఆంటోనియో గుటెర్రెస్ పాల్గొననున్నారు. ఈ విషయాన్ని ఐరాస ప్రతినిధి స్టీఫెన్ దుజారిక్ వెల్లడించారు. ఈ ఏడాది బ్రిక్స్ అధ్యక్ష బాధ్యతలను భారత్ నిర్వహిస్తోంది. స్థిరత్వం, ఆవిష్కరణలు, సహకారం మరియు సుస్థిరత కోసం నిర్మాణం అనే ఇతివృత్తంతో భారత్ ఈ సదస్సును ఏర్పాటు చేస్తోంది.

బ్రిక్స్ 20వ వార్షికోత్సవం జరుపుకుంటున్న సందర్భంగా న్యూఢిల్లీలో జరిగే ఈ సదస్సుకు రష్యా అధ్యక్షుడు వ్లాదిమిర్ పుతిన్, ఇరాన్ అధ్యక్షుడు మసూద్ పెజెష్కియాన్ సహా పలు దేశాల అధినేతలు హాజరుకానున్నారు. చైనా అధ్యక్షుడు షీ జిన్‌పింగ్ కూడా ఈ సమావేశానికి హాజరయ్యే అవకాశం ఉంది. భారత్ ఈ సదస్సుకు ఆతిథ్యమివ్వడం ఇది నాలుగోసారి.

---------------

హిందూస్తాన్ సమచార్ / Santhosha Laxmi