న్యూఢిల్లీ, 14 అక్టోబర్ (హి.స.)

ఢిల్లీలోని అరుణ్ జైట్లీ మైధానంలో వెస్టిండీస్ జట్టుతో జరిగిన రెండో టెస్టులో భారత జట్టు 7 వికెట్ల తేడాతో విజయం సాధించింది. ఈ విజయంతో కెప్టెన్ శుభ్మన్ గిల్ నాయకత్వంలో భారతదేశం తొలి టెస్ట్ సిరీస్ సాధించింది. ఈ విజయంపై బీసీసీఐ ఉపాధ్యక్షుడు రాజీవ్ శుక్లా స్పందిస్తూ.. ఈరోజు ఇది గొప్ప విజయం... వెస్టిండీస్ను ఓడించడం గర్వకారణం. శుభ్మన్ గిల్ నాయకత్వంలో జట్టు చాలా బాగా రాణిస్తోంది. ఇంగ్లాండ్ లో కూడా జట్టు బాగా రాణించింది. మా ఆటగాళ్లు అత్యుత్తమ ఫామ్లో ఉన్నందున ఈ విజయం రాబోయే ఆస్ట్రేలియా సిరీస్లో చాలా సహాయపడుతుంది. అలాగే విరాట్ కోహ్లి, రోహిత్ శర్మ కూడా జట్టులోకి తిరిగి వస్తున్నారు. మేము ఆస్ట్రేలియాను ఓడిస్తామని నేను ఆశిస్తున్నాను. రాబోయే ఆస్ట్రేలియా పర్యటనకు భారత వన్డే జట్టులో పేసర్ హర్షిత్ రాణా ఉండటంపై క్రిస్ శ్రీకాంత్ చేసిన విమర్శపై ప్రధాన కోచ్ గౌతమ్ గంభీర్ చేసిన వ్యాఖ్యపై శుక్లా మాట్లాడుతూ, అతను (గంభీర్) చెప్పింది సరైనదని నేను భావిస్తున్నాను. ఆటగాళ్లపై వ్యాఖ్యానించేటప్పుడు ప్రజలు బాధ్యతాయుతంగా మాట్లాడాలి అని ఈ సందర్భంగా రాజీవ్ శుక్లా గంబీర్ మద్దతుగా నిలిచారు. ---------------

---------------

హిందూస్తాన్ సమచార్ / సంపత్ రావు, జర్నలిస్ట్..