తిరుమల, 15 డిసెంబర్ (హి.స.)తిరుమల శ్రీవారి ఆలయంలో భక్తుల రద్దీ కొనసాగుతోంది. ప్రస్తుతం, కంపార్ట్‌మెంట్లలో 19 కంపార్ట్‌మెంట్లు నిండిపోయి, స్వామివారి దర్శనం కోసం భక్తులు వేచి ఉన్నారు. టోకెన్లు లేని భక్తులకు శ్రీవారి సర్వదర్శనానికి సుమారు 12 గంటల సమయం పడుతుందని తిరుమల తిరుపతి దేవస్థానం (టీటీడీ) అధికారులు తెలిపారు. ఈ రద్దీని దృష్టిలో ఉంచుకుని భక్తులు తగిన ఏర్పాట్లతో, సహనంతో వేచి ఉండాలని కోరారు. నిన్న (ఆదివారం) ఒక్కరోజే శ్రీవారిని 81,348 మంది భక్తులు దర్శించుకుని మొక్కులు చెల్లించుకున్నారు. వీరిలో 26,150 మంది భక్తులు స్వామివారికి తలనీలాలు సమర్పించారు. నిన్నటి రోజున శ్రీవారి హుండీ ఆదాయం రూ.4 కోట్లుగా నమోదైంది. భక్తులు సమర్పించిన కానుకలతో తిరుమల హుండీ నిండిపోయింది. నేడు కూడా శ్రీవారి దర్శనానికి భక్తులు భారీ సంఖ్యలో తరలి వస్తున్నారు.

---------------

హిందూస్తాన్ సమచార్ / SANDHYA PRASADA PV