హైదరాబాద్‌: , 4 మార్చి (హి.స.)నగరంలోని అంబర్‌పేట ఫ్లైఓవర్‌ సమీపంలో భారీ అగ్నిప్రమాదం జరిగింది. ఫ్లైఓవర్ నిర్మాణ సామగ్రి ఉంచిన ప్రదేశంలో ఒక్కసారిగా మంటలు చెలరేగాయి. భారీగా ఎగిసిపడుతున్న మంటలతో ఆ ప్రాంతమంతా దట్టమైన పొగతో అలుముకుంది. దీంతో ఆ మార్గంలో వెళ్తున్న వాహనదారులు, స్థానికులు తీవ్రంగా ఇబ్బంది పడుతున్నారు. వెంటనే స్థానికులు అగ్నిమాపక సిబ్బందికి సమాచారం అందించారు. ఘటనా స్థలికి చేరుకున్న సిబ్బంది.. మంటలను అదుపుచేసేందుకు ప్రయత్నిస్తున్నారు.

---------------

హిందూస్తాన్ సమచార్ / నిత్తల