తెలంగాణ, హైదరాబాద్. 6 మార్చి (హి.స.) హైదరాబాదు నగరంలోని

బాచుపల్లి లో కారు బీభత్సం

సృష్టించింది. గండిమైసమ్మ నుండి బాచుపల్లి వైపు వెళ్తున్న హ్యుందాయ్ వెర్నా కారు హైదరాబాద్ ప్రగతినగర్ వీఎన్ఆర్ విజ్ఞాన జ్యోతి ఇంజినీరింగ్ కళాశాల సమీపంలోని వీఆర్ఎస్ విజ్ఞాన జ్యోతి స్కూల్ గేట్ ముందు గల షుగర్ కేన్ దుకాణంపైకి గురువారం ఉదయం ఓవర్ స్పీడ్ గా దూసుకు వచ్చి బలంగా ఢీకొట్టింది. దీంతో షుగర్ కేన్ దుకాణం ధ్వంసం కావడం తో పాటు ఓ వ్యక్తికీ గాయాలు అయినట్లు స్థానికులు తెలిపారు.ఎంఎల్ ఆర్ ఇంజనీరింగ్ కళాశాలలో బీటెక్ ద్వితీయ సంవత్సరం చదువుతున్న స్టూడెంట్ అధిక స్పీడ్, రాష్ డ్రైవింగ్ తో వచ్చి ఢీకొట్టినట్లు స్థానికులు తెలిపారు. ప్రమాదానికి గురైన కారు పై మాజీ మంత్రి, మేడ్చల్ ఎమ్మెల్యే సీహెచ్ మల్లారెడ్డి అసెంబ్లీ పాస్ ఉండడం విశేషం.

---------------

హిందూస్తాన్ సమచార్ / విడియాల వెంకటేశ్వర్ రావు, జర్నలిస్ట్