తెలంగాణ, మహబూబాబాద్. 7 మార్చి (హి.స.)

పోలీస్ స్టేషన్లో మద్యం సేవించిన ఇద్దరు కానిస్టేబుళ్లపై వేటు పడింది. వారిని సస్పెండ్ చేస్తూ మల్టీ జోన్ ఐ.జి చంద్రశేఖర్ రెడ్డి ఉత్తర్వులు జారీ చేశారు. వివరాల్లోకి వెళ్తే..మహబూబాబాద్ జిల్లా పెద్దవంగర మండలం పోలీస్ స్టేషన్లో విధులు నిర్వహిస్తున్న హెడ్ కానిస్టేబుల్ రాజా రామ్, కానిస్టేబుల్ సుధాకర్ బయట వ్యక్తులతో కలిసి పోలీస్ స్టేషన్లోనే మద్యం సేవించారు.

విషయంపై స్పందించిన పోలీస్ శాఖ విచారణ చేపట్టింది. మహబూబాబాద్ జిల్లా ఎస్పీ సుధీర్ రాంనాధ్ కేకన్ ఉన్నతాధికారులకు రిపోర్ట్ పంపగా క్రమశిక్షణ చర్యల్లో భాగంగా సస్పెండ్ చేస్తూ ఉత్తర్వులు జారీ చేశారు.

---------------

హిందూస్తాన్ సమచార్ / విడియాల వెంకటేశ్వర్ రావు, జర్నలిస్ట్