హైదరాబాద్, 16 జూలై (హి.స.)

పార్కులను ఆక్రమిస్తే చర్యలు తప్పవని తుర్కయంజాల్ మున్సిపల్ కమిషనర్ అమరేందర్ రెడ్డి అన్నారు. బుధవారం మున్సిపాలిటీ పరిధిలోని 19వ వార్డు కమ్మగూడ జార్జ్ వెంచర్ కాలనీలో పార్కు స్థలంలో వేసిన రోడ్డును మున్సిపల్ అధికారులు కూల్చివేశారు. ఈ సందర్భంగా కమిషనర్ అమరేందర్ రెడ్డి మాట్లాడుతూ.. తుర్కయంజాల్లో పార్కుల పరిరక్షణకు కృషి చేస్తున్నామని, ఖాళీగా ఉన్న పార్క్ స్థలాలలో ఫెన్సింగ్ నిర్మించి పూల మొక్కలు నాటుతామని తెలిపారు. పార్కులను ఆక్రమిస్తే చర్యలు తీసుకోవడం జరుగుతుందన్నారు. ఈ కార్యక్రమంలో డీఈ బిక్షపతి, ఏఈ చంద్రశేఖర్ రెడ్డి, టౌన్ ప్లానింగ్ సిబ్బంది శ్రీధర్ రెడ్డి తదితరులు పాల్గొన్నారు. ---------------

హిందూస్తాన్ సమచార్ / బచ్చు రంజిత్ కుమార్