హుజూరాబాద్, 29 జూలై (హి.స.)

హుజురాబాద్ ఎమ్మెల్యే పాడి కౌశిక్ రెడ్డి ఎం.జె.పి. గురుకుల పాఠశాల ప్రిన్సిపాల్ రాణిపై ఆగ్రహం వ్యక్తం చేశారు. హుజురాబాద్లోని సైదాపూర్ ఎం.జె.పి. పాఠశాలలో విద్యార్థులను ఎలుకలు కొరికిన ఘటనపై విచారణ నిమిత్తం ఎమ్మెల్యే పాడి కౌశిక్ రెడ్డి పర్యటించారు. ఈ ఘటన పై ఆయన తీవ్ర ఆగ్రహం వ్యక్తం చేయడమే కాక, విద్యార్థుల భద్రత, ప్రభుత్వ నిర్లక్ష్యం పై పలు ప్రశ్నలు సంధించారు. పాఠశాలలో విద్యార్థులను ఎలుకలు కొరికిన ఘటన పై ఎమ్మెల్యే విద్యార్థులతో మాట్లాడి తెలుసుకున్నారు. ఈ ఘటన పట్ల తీవ్ర ఆందోళన వ్యక్తం చేస్తూ, పాఠశాల ప్రిన్సిపాల్పై మండిపడ్డారు. మీ సొంత పిల్లలను ఎలుకలు కొరికితే ఇలాగే ఉంటారా అంటూ ప్రశ్నించారు. పాఠశాలలో పర్యవేక్షణ లోపం వల్లే ఇలాంటి ఘటనలు జరుగుతున్నాయని ఆగ్రహం వ్యక్తం చేశారు.

హిందూస్తాన్ సమచార్ / సంపత్ రావు, జర్నలిస్ట్..