తిరుమల, 1 ఆగస్టు (హి.స.)కలియుగ ప్రత్యక్ష దైవం తిరుమల(Tirumala) శ్రీవేంకటేశ్వర స్వామి వారిని నిత్యం వేలాది మంది భక్తులు(Devotees) దర్శించుకుంటారు. తిరుమలలో భక్తుల రద్దీ కొనసాగుతోంది. ఈ క్రమంలో నేడు(శుక్రవారం) టోకెన్ లేని భక్తులకు శ్రీవారి సర్వదర్శనానికి 12 గంటల సమయం పడుతోంది. 26 కంపార్టుమెంట్లలో భక్తులు వేచి ఉన్నారు. క్యూలైన్‌లోని భక్తులకు శ్రీవారి సేవకుల ద్వారా అన్నప్రసాదం, పాలు, తాగునీరు అందిస్తున్నారు. నిన్న(గురువారం) శ్రీవారిని 66,149 మంది భక్తులు దర్శించుకున్నారు. 24,429 మంది తలనీలాలు సమర్పించుకున్నారు. శ్రీవారి హుండీ ఆదాయం(Hundi Income) రూ.4.66 కోట్లు వచ్చిందని టీటీడీ(TTD) అధికారులు తెలిపారు. అయితే.. గత నెల(జూలై)లో సాధారణ రోజుల్లో సైతం భక్తుల రద్దీ కొనసాగింది.

---------------

హిందూస్తాన్ సమచార్ / సంధ్య ప్రసాద పి.వి