హైదరాబాద్, 10 ఆగస్టు (హి.స.)

ఆంధ్రప్రదేశ్ రాష్ట్రంలో అనూహ్య పరిణామం చోటు చేసుకుంది. తెలంగాణకు చెందిన మంత్రులు ఈ రోజు జనసేన కేంద్ర కార్యాలయంలో తమ హెలికాఫ్టర్ తో ల్యాండ్ అయ్యారు. వివరాల్లోకి వెళితే.. తెలంగాణ రాష్ట్ర ఉప ముఖ్యమంత్రి భట్టి విక్రమార్క, పొంగులేటి శ్రీనివాస్ రెడ్డి, కోమటిరెడ్డి వెంకట్ రెడ్డి, ఉత్తమ్ కుమార్ రెడ్డి, వాకిటి శ్రీహరి లు ఓ ప్రైవేట్ కార్యక్రమంలో పాల్గొనేందుకుగాను మంగళగిరికి వెళ్లారు. ఈ నేపథ్యంలో జనసేన అధ్యక్షుడు పవన్ కల్యాణ్ కోసం ఏర్పాటు చేసిన హెలిపాడ్ పై మంత్రుల హెలికాప్టర్ ల్యాండ్ అయింది. ఈ సందర్భంగా జనసేన పార్టీ అధ్యక్షుడు పవన్ కల్యాణ్ తరుఫున ప్రభుత్వ విప్ పిడుగు హరిప్రసాద్ పార్టీ నాయకులతో కలిసి తెలంగాణ మంత్రులకు స్వాగతం పలికారు. అనంతరం జనసేన కార్యకర్తలు మంత్రులతో కలిసి ఫోటోలు దిగారు. ---------------

---------------

హిందూస్తాన్ సమచార్ / బచ్చు రంజిత్ కుమార్