హైదరాబాద్, 14 అక్టోబర్ (హి.స.)

పేదల గృహ నిర్మాణానికి సంబంధించి తెలంగాణ రాష్ట్ర ప్రభుత్వం కీలక నిర్ణయం తీసుకుంది. 'ఇందిరమ్మ ఇళ్ల' పథకాన్ని కేంద్ర ప్రభుత్వ నివాస పథకం పీఎం ఆవాస్ యోజన (PMAY)తో అనుసంధానించాలని నిర్ణయించింది.

ఈ క్రమంలోనే మొదటి విడత కింద ఇప్పటికే నిర్మాణాలు పూర్తయిన 1.75 లక్షల ఇందిరమ్మ ఇళ్ల వివరాలను అధికారులు పీఎం ఆవాస్ యోజన (PMAY) అధికారిక పోర్టల్లో నమోదు చేసే ప్రక్రియ వేగవంతం చేశారు. ఆ వెంటనే రెండో విడతలో భాగంగా రాష్ట్రవ్యాప్తంగా మట్టి గుడిసెలు, తాత్కాలిక నివాసాల్లో జీవిస్తున్న మరో 25 వేల మంది లబ్ధిదారులను కూడా ఈ స్కీమ్ పరిధిలోకి తీసుకు రానున్నారు. ఈ అనుసంధాన ప్రక్రియ పూర్తిగా ముగిసిన వెంటనే, కేంద్ర ప్రభుత్వం నుంచి మంజూరైన కోటా ప్రకారం లబ్ధిదారుల ఖాతాల్లోకి రూ.72,000 నిధులు జమ కానున్నాయి. అయితే, పీఎం ఆవాస్ యోజన పథకం కింద తెలంగాణ రాష్ట్రానికి మొత్తం 2 లక్షల ఇళ్లు మంజూరు కాగా, ఒక్కో ఇంటి నిర్మాణం కోసం కేంద్రం రూ.72 వేల చొప్పున ఆర్థిక సాయం అందిస్తున్నది.

---------------

హిందూస్తాన్ సమచార్ / సంపత్ రావు, జర్నలిస్ట్..