అమరావతి , 15 అక్టోబర్ (హి.స.)

ఆంధ్రప్రదేశ్లో పారిశ్రామిక అభివృద్ధిని వేగవంతం చేసి, భారీ పెట్టుబడులను ఆకర్షించడానికి రాష్ట్ర ప్రభుత్వం కొత్త విధానాలపై దృష్టి సారిస్తుంది. రాబోయే ఐదేళ్లలో రూ.23 లక్షల కోట్ల పెట్టుబడులను ఆకర్షించడం, సుమారు 20 లక్షల ఉద్యోగాలను సృష్టించడం లక్ష్యంగా పెట్టుకుంది.

పారిశ్రామిక క్లస్టర్ అంటే ఒకే రంగానికి చెందిన లేదా పరస్పరం అనుబంధంగా పనిచేసే పరిశ్రమలు ఒక నిర్దిష్ట ప్రాంతంలో సమూహంగా ఏర్పడుతుంది. దీనివల్ల ఉత్పత్తి వ్యయం తగ్గడం, రవాణా సౌకర్యాలు మెరుగుపడటం, సాంకేతిక పరిజ్ఞానాన్ని పంచుకోవడం వంటి ప్రయోజనాలు కలగవచ్చు.

ఉదాహరణకు, ఒక ప్రాంతంలో ఎలక్ట్రానిక్స్ పరిశ్రమలు ఏర్పడితే వాటికి అవసరమైన విడిభాగాల తయారీ సంస్థలు, గిడ్డంగులు, రవాణా సేవలు, సాంకేతిక శిక్షణ కేంద్రాలు కూడా అభివృద్ధి చెందే అవకాశం ఉంటుంది. దీనివల్ల ప్రధాన పరిశ్రమలతో పాటు చిన్న, మధ్య తరహా వ్యాపారాలకు కూడా అవకాశాలు పెరుగుతాయి.

పరిశ్రమలకు సంబంధించిన అనుమతులు, మౌలిక సదుపాయాల కల్పన, పెట్టుబడిదారుల సమస్యల పరిష్కారం వంటి అంశాలను సాంకేతిక వ్యవస్థల ద్వారా పర్యవేక్షించడం దీని ఉద్దేశం. నిర్ణయాలు తీసుకోవడంలో జాప్యాన్ని తగ్గించగలిగితే పెట్టుబడిదారులకు రాష్ట్రంపై నమ్మకం పెరుగుతుంది.

---------------

హిందూస్తాన్ సమచార్ / పుట్టా సుమన్