న్యూఢిల్లీ:, 25 అక్టోబర్ (హి.స.)

దేశంలోని వివిధ రాష్ట్రాల శాసనసభలు, శాసనమండళ్ల అధ్యక్షుల (స్పీకర్లు, ఛైర్మన్లు) అధ్యయన కమిటీ కీలక సమావేశం ఈ నెల 27న దేశ రాజధాని ఢిల్లీలో జరగనుంది. చట్టసభల నిర్వహణలో పారదర్శకత, పార్లమెంటరీ విధానాలు, శాసనసభల సభా హక్కుల పరిరక్షణ వంటి పలు అంశాలపై చర్చించేందుకు ఈ సమావేశాన్ని ఏర్పాటు చేశారు.

ఈ సమావేశంలో వివిధ రాష్ట్రాల శాసనసభల స్పీకర్లు, మండలి ఛైర్మన్లు, పార్లమెంటరీ వ్యవహారాల నిపుణులు పాల్గొననున్నారు. చట్టసభల పనితీరును మరింత సమర్థవంతంగా తీర్చిదిద్దడం, సభల్లో ప్రజా సమస్యలపై జరిగే చర్చల సమయాన్ని పెంచడం, కంప్యూటర్లు, డిజిటల్ పరిజ్ఞానాన్ని సభా వ్యవహారాల్లో విస్తృతంగా వినియోగించడంపై నిపుణులు తమ అభిప్రాయాలను పంచుకోనున్నారు.

ప్రజాస్వామ్య వ్యవస్థలో చట్టసభల పాత్రను బలోపేతం చేయడంతో పాటు, సభా నియమావళిలో తీసుకురావాల్సిన మార్పులపై ఈ సమావేశంలో కీలక నిర్ణయాలు తీసుకునే అవకాశం ఉన్నట్లు వర్గాలు తెలిపాయి.

---------------

హిందూస్తాన్ సమచార్ / Santhosha Laxmi