వారణాసి, 25 అక్టోబర్ (హి.స.)

: భారత వైమానిక దళ 94వ వ్యవస్థాపక దినోత్సవాన్ని పురస్కరించుకుని ఉత్తరప్రదేశ్‌లోని వారణాసి నమో ఘాట్ వేదికగా నిర్వహించిన 'వింగ్స్ ఓవర్ గంగా' ప్రత్యేక వైమానిక విన్యాసాల కార్యక్రమానికి ప్రధానమంత్రి నరేంద్ర మోదీ హాజరయ్యారు. గంగా నది తీరాన వైమానిక దళ విమానాలు, హెలికాప్టర్లు ప్రదర్శించిన సాహస విన్యాసాలను ప్రధాని నరేంద్ర మోదీ స్వయంగా తిలకించారు.

ఈ సందర్భంగా వైమానిక దళ పైలట్లు చూపిన శౌర్యం, సమర్థత, క్రమశిక్షణలను ప్రధాని కొనియాడారు. భారత వైమానిక దళానికి చెందిన పలు యుద్ధ విమానాలు గంగా నది ఆకాశంలో ప్రదర్శించిన విన్యాసాలు అక్కడికి వచ్చిన సందర్శకులను, ప్రజలను ఎంతగానో ఆకట్టుకున్నాయి. కేంద్ర రక్షణ శాఖ మంత్రి రాజ్‌నాథ్ సింగ్ సహా పలువురు ఉన్నతాధికారులు ఈ కార్యక్రమంలో పాల్గొన్నారు.

దేశ భద్రతలో వైమానిక దళం వహిస్తున్న పాత్ర అతులితమని, గగనతలంలో శత్రువుల నుంచి దేశాన్ని కాపాడటంలో వీరు చూపుతున్న నిబద్ధత ప్రశంసనీయమని నాయకులు పేర్కొన్నారు.

---------------

హిందూస్తాన్ సమచార్ / Santhosha Laxmi