హైదరాబాద్ , 04 అక్టోబర్ (హి.స.)నగరంలో ఓటర్ల జాబితా ప్రత్యేక సమగ్ర సవరణ కార్యక్రమం (SIR)పై నిరసన వ్యక్తం చేస్తూ ధర్నా చౌక్ వద్ద ఆందోళనలు జరిగాయి. ఎన్నికల జాబితా సవరణ ప్రక్రియలో పారదర్శకత, ఓటర్ల హక్కుల పరిరక్షణకు సంబంధించి తమకు అనేక సందేహాలు ఉన్నాయని నిరసనకారులు పేర్కొన్నారు.

SIRను నిలిపివేయాలని, కేంద్ర ఎన్నికల ప్రధాన కమిషనర్ రాజీనామా చేయాలని, ఎన్నికల కమిషనర్ల నియామకానికి సంబంధించిన 2023 చట్టాన్ని రద్దు చేయాలని వారు నిరసనకారులు చేశారు.

ఇందిరాపార్క్ సమీపంలోని ధర్నా చౌక్ వద్ద జరిగిన కార్యక్రమానికి పలు పౌర, సామాజిక సంస్థల ప్రతినిధులు, కార్యకర్తలు, ఓటర్ల హక్కుల కోసం పనిచేసే సంఘాల సభ్యులు హాజరయ్యారు. కార్యక్రమంలో నటుడు, సామాజిక కార్యకర్త ప్రకాశ్ రాజ్ కూడా మాట్లాడారు. SIR ప్రక్రియలో పేర్లు తొలగించడం, వివరాల ధృవీకరణ, గైర్హాజరు లేదా ఇతర ప్రాంతాలకు మారిన ఓటర్లను గుర్తించడం వంటి అంశాలపై ప్రజలకు స్పష్టమైన సమాచారం అందించాల్సిన అవసరం ఉందని ఆందోళనకారులు పేర్కొన్నారు.

---------------

హిందూస్తాన్ సమచార్ / పుట్టా సుమన్