కైంచీ ధామ్, 12 నవంబర్ (హి.స.)

ఉత్తరాఖండ్‌లోని ప్రసిద్ధ పుణ్యక్షేత్రం కైంచీ ధామ్ సమీపంలో ఘోర రోడ్డు ప్రమాదం చోటుచేసుకుంది. ప్రయాణికులతో వెళ్తున్న ఒక కారు అదుపుతప్పి లోతైన లోయలో పడిపోయింది. ఈ దుర్ఘటనలో ఒకరు అక్కడికక్కడే మృతి చెందగా, మరో నలుగురు తీవ్రంగా గాయపడ్డారు.

ప్రమాద సమాచారం అందుకున్న వెంటనే స్థానికులు మరియు పోలీసులు ఘటనా స్థలానికి చేరుకుని సహాయక చర్యలు చేపట్టారు. లోయలో చిక్కుకున్న బాధితులను అతికష్టం మీద బయటకు తీశారు. తీవ్రంగా గాయపడిన నలుగురిని చికిత్స నిమిత్తం సమీపంలోని ఆసుపత్రికి తరలించగా, మృతదేహాన్ని పోస్టుమార్టం కోసం పంపించారు. కొండ ప్రాంతంలో మలుపు వద్ద డ్రైవర్ నియంత్రణ కోల్పోవడమే ఈ ప్రమాదానికి ప్రాథమిక కారణంగా పోలీసులు భావిస్తున్నారు. ఈ ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు.

---------------

హిందూస్తాన్ సమచార్ / Santhosha Laxmi