న్యూఢిల్లీ, నవంబర్ 6 (హి.స)

దీపావళి పండుగ వేళ దిల్లీలో పర్యావరణ కాలుష్యాన్ని అదుపులో ఉంచేందుకు దిల్లీ ప్రభుత్వం ప్రజలకు కీలక విజ్ఞప్తి చేసింది. సుప్రీంకోర్టు ఆదేశాల ప్రకారం కేవలం ఆమోదించబడిన 'గ్రీన్ క్రాకర్స్' (హరిత బాణసంచా) మాత్రమే కాల్చాలని, దానికి నిర్దేశించిన సమయ వేళలను ఖచ్చితంగా పాటించాలని దిల్లీ రెవెన్యూ శాఖ మరియు జిల్లా యంత్రాంగం కోరాయి. నిబంధనలను అతిక్రమిస్తే చట్టపరమైన కఠిన చర్యలు ఉంటాయని హెచ్చరించారు.

సుప్రీంకోర్టు ఉత్తర్వుల ప్రకారం నవంబర్ 7, 8 తేదీలలో మాత్రమే గ్రీన్ క్రాకర్స్ కాల్చడానికి అనుమతి ఉంది. ఉదయం 6 గంటల నుంచి 7 గంటల వరకు, అలాగే రాత్రి 8 గంటల నుంచి 10 గంటల వరకు మాత్రమే బాణసంచా కాల్చవచ్చని అధికారులు స్పష్టం చేశారు. ఆస్పత్రులు, నర్సింగ్ హోమ్‌లు, వృద్ధాశ్రమాలు మరియు విద్యాసంస్థలకు 300 మీటర్ల పరిధిలోని ప్రాంతాలను 'నో-క్రాకర్ జోన్లు'గా ప్రకటించారు. CSIR-NEERI ధృవీకరించిన క్యూఆర్‌ కోడ్ ఉన్న గ్రీన్ క్రాకర్లను మాత్రమే ఢిల్లీ పోలీసులచే అనుమతించబడిన ప్రాంతాల్లో విక్రయించాలని, ఆన్‌లైన్ అమ్మకాలపై కఠిన నిషేధం ఉందని వెల్లడించారు. నవంబర్ 9 నుండి దిల్లీ-ఎన్‌సీఆర్ ప్రాంతంలో బాణసంచాపై పూర్తి నిషేధం తిరిగి అమలులోకి రానుంది.

---------------

హిందూస్తాన్ సమచార్ / Santhosha Laxmi