హైదరాబాద్, 14 ఫిబ్రవరి (హి.స.)

భారతీయ జనతా పార్టీ (BJP) దేశీయ

రాజకీయ పార్టీలకు అందే విరాళాల్లో తిరుగులేని ఆధిపత్యాన్ని చాటుకుంది. అసోసియేషన్ ఫర్ డెమోక్రటిక్ రిఫార్మ్స్ (ADR) తాజాగా విడుదల చేసిన 2024–25 ఆర్థిక సంవత్సర నివేదిక ప్రకారం, ఎలక్టోరల్ ట్రస్ట్ల ద్వారా పార్టీలకు అందిన మొత్తం విరాళాల్లో సింహభాగం బీజేపీకే దక్కింది. దేశవ్యాప్తంగా వివిధ సంస్థల నుంచి అందిన మొత్తం రూ.3,826 కోట్ల విరాళాల్లో, ఒక్క బీజేపీయే రూ.3,157 కోట్లు (సుమారు 82.5%) పొంది రికార్డు సృష్టించింది. మిగిలిన పార్టీలన్నీ కలిపి కేవలం 18 శాతం నిధులతోనే సరిపెట్టుకోవాల్సి వచ్చింది.

ఇదిలా ఉంటే ఈ భారీ విరాళాల్లో కార్పొరేట్ దిగ్గజాల వాటా అత్యధికంగా ఉంది. ప్రధాన విరాళ దాతల జాబితాలో ఎలివేటెడ్ అవెన్యూ రియల్టీ సంస్థ రూ. 500 కోట్లు అందజేసి అగ్రస్థానంలో నిలవగా, టాటా గ్రూప్ (టాటా సన్స్ & TCS) సుమారు రూ.525 కోట్ల నిధులను సమకూర్చింది. తెలుగు రాష్ట్రాల నుంచి మేఘా ఇంజనీరింగ్ (MEIL) సంస్థ రూ. 175 కోట్లను విరాళంగా ఇచ్చి ప్రముఖ దాతల జాబితాలో నిలిచింది. ఈ స్థాయిలో నిధులు సమకూరడం ద్వారా దేశవ్యాప్తంగా పార్టీ నెట్వర్ను బలోపేతం చేసేందుకు, ఎన్నికల వ్యయానికి బీజేపీకి భారీ ఆర్థిక వెన్నుదన్ను లభించినట్లయింది.

మరోవైపు, ప్రధాన ప్రతిపక్షమైన కాంగ్రెస్ పార్టీకి అందిన నిధులు రాజకీయ వర్గాల్లో తీవ్ర చర్చకు దారితీస్తున్నాయి. కాంగ్రెస్కు కేవలం రూ. 298.78 కోట్లు (7.8%) మాత్రమే దక్కాయి. అధికార పార్టీకి అందిన నిధులతో పోలిస్తే ఇది కేవలం పదో వంతు మాత్రమే కావడం గమనార్హం. తృణమూల్ కాంగ్రెస్కు రూ. 102 కోట్లు అందాయి. అధికార, ప్రతిపక్ష పార్టీల మధ్య నిధుల

సమీకరణలో కనిపిస్తున్న ఈ భారీ వ్యత్యాసం, భవిష్యత్తులో ఎన్నికల ప్రచారాలు, పార్టీల మధ్య పోటీ తత్వాన్ని ప్రభావితం చేసే అవకాశం ఉందని రాజకీయ విశ్లేషకులు అభిప్రాయపడుతున్నారు.

---------------

హిందూస్తాన్ సమచార్ / సంపత్ రావు, జర్నలిస్ట్..