హైదరాబాద్, 08 మార్చి (హి.స.)

రిలయన్స్ ఫౌండేషన్ వ్యవస్థాపక

అధ్యక్షురాలు నీతా అంబానీ (Nita Ambani) నిత్యం సమాజ శ్రేయస్సు కోసం ఎన్నో కార్యక్రమాలు చేస్తూనే ఉంటారు. ఈ క్రమంలో అంతర్జాతీయ మహిళా దినోత్సవాన్ని పురస్కరించుకుని ఆమె మరో కీలక నిర్ణయం తీసుకున్నారు. మహిళా సాధికారత కోసం 'HERoes' అనే సరికొత్త ఉద్యమాన్ని ప్రారంభించారు. ప్రతి మహిళ తనలో దాగి ఉన్న హీరోని గుర్తించి, తన శక్తి సామర్థ్యాలను ప్రపంచానికి చాటాలనే లక్ష్యంతో ఈ కార్యక్రమాన్ని రూపొందించారు. విద్య, క్రీడలు, ఆరోగ్య సంరక్షణ, గ్రామీణ పరివర్తన, కళా సంస్కృతుల ద్వారా మహిళా లోకాన్ని శక్తివంతం చేయడమే తమ ధ్యేయమని ఆమె ఈ సందర్భంగా పిలుపునిచ్చారు.

ఈ ప్రత్యేక ప్రారంభోత్సవ వేడుకలో నీతా అంబానీ (Nita Ambani) తన ఆహార్యంతో అందరినీ ఆకట్టుకున్నారు. ఆమె స్వదేశ్ (Swadesh) బ్రాండ్కు చెందిన అందమైన చేనేత బనారసీ చీరను ధరించారు. దీనికి తోడుగా అనమికా ఖన్నా రూపొందించిన చేతితో ఎంబ్రాయిడరీ చేసిన బ్లౌజ్ ధరించి ఎంతో హుందాగా కనిపించారు. మహిళల (women) అపరిమితమైన సామర్థ్యాన్ని వెలికితీయడానికి మరియు వారిని స్ఫూర్తివంతమైన దిశగా నడిపించడానికి ఈ 'HERoes' ఉద్యమం ఒక గొప్ప వేదికగా నిలవబోతోంది.

---------------

హిందూస్తాన్ సమచార్ / సంపత్ రావు, జర్నలిస్ట్..