బెంగళూరు, 18 ఏప్రిల్ (హి.స.)ఐపీఎల్ 2026 సీజన్లో నేడు క్రికెట్ ప్రేమికులకు డబుల్ హెడర్ మజా అందనుంది. రెండు హై-ప్రొఫైల్ మ్యాచ్లు ఒకే రోజు జరగనుండటంతో అభిమానుల్లో విపరీతమైన ఉత్కంఠ నెలకొంది. మధ్యాహ్నం 3:30 గంటలకు బెంగళూరులోని చిన్నస్వామి స్టేడియం వేదికగా రాయల్ ఛాలెంజర్స్ బెంగళూరు (RCB), ఢిల్లీ క్యాపిటల్స్ (DC) జట్లు తలపడనున్నాయి. చిన్నస్వామి స్టేడియం బ్యాటింగ్కు స్వర్గధామం కావడంతో, ఇక్కడ మరోసారి పరుగుల వర్షం కురవడం ఖాయంగా కనిపిస్తోంది. మరోవైపు ఢిల్లీ క్యాపిటల్స్ జట్టులో నికోలస్ పూరన్, డేవిడ్ వార్నర్ వంటి విధ్వంసకర బ్యాటర్లు ఉండటం ఆ జట్టుకు కొండంత బలాన్నిస్తోంది. పవర్ప్లేలో ఏ జట్టు ఎక్కువ ప్రభావం చూపుతుందనే దానిపైనే ఈ మ్యాచ్ ఫలితం ఆధారపడి ఉంటుంది.

ఇక సాయంత్రం 7:30 గంటలకు హైదరాబాద్లోని ఉప్పల్ స్టేడియంలో సన్రైజర్స్ హైదరాబాద్ (SRH), చెన్నై సూపర్ కింగ్స్ (CSK) మధ్య హోరాహోరీ పోరు జరగనుంది. ఉప్పల్ స్టేడియం ఎస్ఆర్హెచ్కు అచ్చొచ్చిన మైదానం కావడంతో, సొంత అభిమానుల మధ్య ఆ జట్టు అత్యంత బలంగా కనిపిస్తోంది. ఈ సీజన్లో సంచలన ఫామ్లో ఉన్న ట్రావిస్ హెడ్, అభిషేక్ శర్మను అడ్డుకోవడం చెన్నై బౌలర్లకు సవాలుగా మారనుంది. ఎస్ఆర్హెచ్ బ్యాటింగ్ ఆర్డర్ ప్రస్తుతం లీగ్లోనే అత్యంత ప్రమాదకరంగా ఉంది. ముఖ్యంగా టాప్ ఆర్డర్లో హెడ్, అభిషేక్ ఇచ్చే మెరుపు ఆరంభాలు ప్రత్యర్థి జట్లను బెంబేలెత్తిస్తున్నాయి.

హిందూస్తాన్ సమచార్ / SANDHYA PRASADA PV