ఢిల్లీ,19 జూన్ (హి.స.)

కేరళ ముఖ్యమంత్రి, ఆర్థిక మంత్రి వి.డి. సతీశన్ శాసనసభలో 2026-27 ఆర్థిక సంవత్సరానికి గానూ సవరించిన రాష్ట్ర బడ్జెట్ను ప్రవేశపెట్టారు. ఈ సందర్భంగా ఆయన మాట్లాడుతూ.. గత పినరయి విజయన్ నేతృత్వంలోని ఎల్డీఎఫ్ (LDF) ప్రభుత్వం తప్పుడు అంచనాలతో రాష్ట్రాన్ని రూ. 5.07 లక్షల కోట్ల భారీ అప్పుల ఊబిలోకి నెట్టేసిందని తీవ్రస్థాయిలో ధ్వజమెత్తారు. ఈ సవరించిన బడ్జెట్లో రూ. 1,69,646.37 కోట్ల రెవెన్యూ వసూళ్లు, రూ. 2,05,001.67 కోట్ల రెవెన్యూ వ్యయం ఉంటుందని అంచనా వేశారు. ఆర్థిక ఇబ్బందులు ఉన్నప్పటికీ, మహిళలు మరియు ట్రాన్స్జెండర్లకు కేఎస్ఆర్టీసీ బస్సుల్లో ఉచిత ప్రయాణం (రూ. 600 కోట్లు కేటాయింపు), రూ. 25 లక్షల వరకు ఆరోగ్య బీమా కల్పించే ఊమెన్ చాందీ హెల్త్ ఇన్సూరెన్స్ స్కీమ్ (ప్రాథమిక వ్యయం రూ. 10 కోట్లు) వంటి ఎన్నికల హామీలను నెరవేరుస్తున్నట్లు ప్రకటించారు. వీటితో పాటు రాష్ట్ర ఆర్థిక వృద్ధిని పెంచేందుకు 'సదరన్ కేరళ ఎకనామిక్ కారిడార్' (రూ. 50 కోట్లు), 'రేర్ ఎర్త్ అండ్ క్రిటికల్ మినరల్స్ కారిడార్' (రూ. 100 కోట్లు) ఏర్పాటును మరియు రబ్బర్ కనీస మద్దతు ధరను రూ. 250కి పెంచుతున్నట్లు సీఎం సతీశన్ బడ్జెట్ ప్రసంగంలో వెల్లడించారు.

---------------

హిందూస్తాన్ సమచార్ / Santhosha Laxmi