ఓంకారేశ్వర్, 19 జూన్ (హి.స.)మధ్యప్రదేశ్లోని ఓంకారేశ్వర్లో జరిగిన అంతర్జాతీయ సికిల్ సెల్ దినోత్సవ కార్యక్రమంలో భారత రాష్ట్రపతి ద్రౌపది ముర్ము పాల్గొన్నారు. 'నేషనల్ సికిల్ సెల్ అనీమియా ఎలిమినేషన్ మిషన్' కింద నిర్దేశించిన స్క్రీనింగ్ లక్ష్యాన్ని గడువు కంటే ముందే పూర్తి చేయడం పట్ల ఆమె హర్షం వ్యక్తం చేశారు. జన్యుపరమైన వ్యాధుల స్క్రీనింగ్లో ఇది ప్రపంచంలోనే అతిపెద్ద కార్యక్రమాల్లో ఒకటిగా నిలిచిందని కొనియాడారు. ఈ మిషన్ ద్వారా నవజాత శిశువుల నుండి 40 ఏళ్ల వయస్సు గల వారి వరకు దేశవ్యాప్తంగా సుమారు 7 కోట్ల మందికి స్క్రీనింగ్ పరీక్షలు నిర్వహించినట్లు రాష్ట్రపతి తెలిపారు. ఈ తనిఖీల్లో దాదాపు 2.5 లక్షల మందికి సికిల్ సెల్ వ్యాధి ఉన్నట్లు తేలగా, మరో 20 లక్షల మందికి పైగా ఈ వ్యాధి క్యారియర్లుగా (వాహకులుగా) గుర్తించబడ్డారని చెప్పారు. మధ్యప్రదేశ్ ప్రభుత్వం చేపట్టిన స్వస్థ నారి, సశక్త్ పరివార్ అభియాన్, సికిల్ మిత్ర వంటి కార్యక్రమాలను ఆమె ప్రత్యేకంగా అభినందించారు. అన్ని రాష్ట్రాల ఉమ్మడి కృషితో 2047 కంటే ముందే భారతదేశం సికిల్ సెల్ రహిత దేశంగా మారుతుందనే నమ్మకాన్ని రాష్ట్రపతి ముర్ము వ్యక్తం చేశారు

---------------

హిందూస్తాన్ సమచార్ / Santhosha Laxmi