మామల్లాపురం, 27 జూలై (హి.స.)

లోక్‌సభ ప్రతిపక్ష నేత రాహుల్ గాంధీ రాబోయే ఆగస్టు 1న తమిళనాడులో పర్యటించనున్నారు. తమిళనాడు కాంగ్రెస్ కమిటీ (TNCC) నూతనంగా నియమించిన జిల్లా అధ్యక్షుల కోసం మామల్లాపురంలో నిర్వహిస్తున్న 10 రోజుల ప్రత్యేక శిక్షణ శిబిరం ముగింపు వేడుకల్లో ఆయన ముఖ్య అతిథిగా పాల్గొని ప్రసంగించనున్నారు. ఈ పర్యటనకు సంబంధించిన వివరాలను అఖిల భారత కాంగ్రెస్ కమిటీ (AICC) ప్రధాన కార్యదర్శి కేసీ వేణుగోపాల్, టీఎన్‌సీసీ అధ్యక్షుడు బి. మాణిక్యం ఠాగూర్ అధికారికంగా వెల్లడించారు. రాజ్యాంగ పరిరక్షణ, సామాజిక న్యాయం మరియు యువత భవిష్యత్తు కోసం నిరంతరం పోరాడుతున్న రాహుల్ గాంధీ పర్యటన రాష్ట్రవ్యాప్తంగా ఉన్న కాంగ్రెస్ శ్రేణుల్లో సరికొత్త ఉత్సాహాన్ని నింపుతుందని పార్టీ లీడర్లు ఆశాభావం వ్యక్తం చేశారు. తమిళనాడులో నూతనంగా ఏర్పాటైన టీవీకే (TVK) నేతృత్వంలోని ప్రభుత్వ క్యాబినెట్‌లో కాంగ్రెస్ పార్టీ భాగస్వామి అయిన తర్వాత రాహుల్ గాంధీ ఇక్కడికి వస్తుండటంతో ఈ పర్యటనకు రాజకీయంగా ఎంతో ప్రాధాన్యత చేకూరింది. దేశవ్యాప్తంగా మరియు ముఖ్యంగా తమిళనాడులో నీట్ (NEET) పరీక్షకు వ్యతిరేకంగా ఆందోళనలు తీవ్ర రూపం దాల్చిన తరుణంలో ఈ పర్యటన జరుగుతుండటం గమనార్హం. నీట్ అక్రమాలపై కేంద్ర ప్రభుత్వంపై ఒత్తిడి తెచ్చేందుకు పార్లమెంట్ లోపల, వెలుపల తాము పోరాటాన్ని మరింత ఉధృతం చేస్తామని ఈ సందర్భంగా పార్టీ ముఖ్య నేతలు స్పష్టం చేశారు.

---------------

హిందూస్తాన్ సమచార్ / Santhosha Laxmi