బెంగళూరు: , 11 ఆగస్టు (హి.స.)

కర్ణాటక రాజధాని బెంగళూరులోని కెంపెగౌడ అంతర్జాతీయ విమానాశ్రయం (KIA) లో ఈరోజు ఉదయం డిజిటల్ బోర్డింగ్ మరియు లగేజీ చెక్-ఇన్ వ్యవస్థల్లో హఠాత్తుగా సాంకేతిక లోపం తలెత్తింది. దీనివల్ల ప్రయాణికుల తనిఖీ ప్రక్రియ పూర్తిగా నెమ్మదించడంతో టెర్మినల్-1 వద్ద వందలాది మంది ప్రయాణికులు సుదీర్ఘ క్యూలైన్లలో వేచి ఉండాల్సి వచ్చింది. ఉదయం వేళల్లో నడిచే పలు దేశీయ విమానాలు దాదాపు గంట నుండి గంటన్నర పాటు ఆలస్యంగా నడిచాయి.

విమానాశ్రయ సాంకేతిక బృందం తక్షణమే రంగంలోకి దిగి సర్వర్లను పునరుద్ధరించే పనులను చేపట్టింది. ప్రయాణికులకు ఇబ్బంది కలగకుండా ఉండేందుకు ఎయిర్‌లైన్స్ సిబ్బంది మాన్యువల్ పద్ధతిలో బోర్డింగ్ పాస్‌లను జారీ చేశారు. మధ్యాహ్నానికి సాంకేతిక సమస్య చాలా వరకు పరిష్కారమై రద్దీ అదుపులోకి వచ్చినట్లు విమానాశ్రయ అధికారులు ప్రకటించారు.

---------------

హిందూస్తాన్ సమచార్ / Santhosha Laxmi