హైదరాబాద్, 16 ఆగస్టు (హి.స.)

ఉత్తరాంధ్ర ప్రజల దశాబ్దాల కల అయిన భోగాపురం అంతర్జాతీయ విమానాశ్రయం (Bhogapuram International Airport) రేపటి నుండి (ఆగస్టు 17) తన పూర్తి స్థాయి వాణిజ్య కార్యకలాపాలను ప్రారంభించబోతోంది. ఈ ప్రతిష్టాత్మక విమానాశ్రయాన్ని ప్రధానమంత్రి నరేంద్ర మోదీ ఇటీవల అధికారికంగా ప్రారంభించగా, నేడు ఉదయం విమానయాన సంస్థలు తమ తుది విమాన షెడ్యూల్స్ మరియు గ్రౌండ్ హ్యాండ్లింగ్ సిబ్బంది మోహరింపును పూర్తి చేశాయి. దేశంలోని వివిధ మెట్రో నగరాలైన ఢిల్లీ, ముంబై, బెంగళూరు, హైదరాబాద్ మరియు చెన్నైలకు రేపటి నుంచి ఇక్కడి నుంచే నేరుగా విమాన సర్వీసులు నడవనున్నాయి. విశాఖపట్నం పారిశ్రామిక రంగానికి, ఐటీ కారిడార్లకు మరియు పర్యాటక రంగానికి భోగాపురం ఎయిర్‌పోర్ట్ ఒక పెద్ద మైలురాయిగా మారుతుందని ఆర్థిక నిపుణులు విశ్లేషిస్తున్నారు. ఈ ఉదయం నాటికి ప్రయాణికుల చెక్-ఇన్ కౌంటర్లు, అంతర్జాతీయ స్థాయి సెక్యూరిటీ స్క్రీనింగ్ వ్యవస్థల ట్రయల్స్ కూడా విజయవంతంగా పూర్తయ్యాయి. ఈ పరిణామంతో ఉత్తరాంధ్ర ప్రాంతంలో రియల్ ఎస్టేట్ మరియు హోటల్ రంగాలు మరింత పుంజుకోనున్నాయి

---------------

హిందూస్తాన్ సమచార్ / Santhosha Laxmi