అహ్మదాబాద్, గుజరాత్: , 12 ఆగస్టు (హి.స.)

గుజరాత్ ఆర్థిక కేంద్రమైన అహ్మదాబాద్‌లో దేశీయ మరియు అంతర్జాతీయ పెట్టుబడులను ఆకర్షించేందుకు రాష్ట్ర ప్రభుత్వం సరికొత్త పారిశ్రామిక వ్యూహాన్ని ప్రకటించింది. మౌలిక సదుపాయాల అభివృద్ధి సదస్సులో భాగంగా, గ్రీన్ ఎనర్జీ, సెమీకండక్టర్ తయారీ రంగాలలో పెట్టుబడులు పెట్టే విదేశీ కంపెనీలకు ప్రత్యేక రాయితీలు ఇవ్వనున్నట్లు అధికారులు వెల్లడించారు. సింగిల్ విండో క్లియరెన్స్ విధానం ద్వారా కేవలం 7 రోజుల్లోనే పరిశ్రమల స్థాపనకు అవసరమైన అన్ని అనుమతులు మంజూరు చేస్తామని గుజరాత్ పారిశ్రామిక అభివృద్ధి సంస్థ (GIDC) స్పష్టం చేసింది. ఈ సరికొత్త పారిశ్రామిక విధానం వల్ల రాష్ట్రంలోని లక్షలాది మంది యువతకు నూతన ఉపాధి అవకాశాలు లభిస్తాయని ప్రభుత్వం ధీమా వ్యక్తం చేసింది. పర్యావరణానికి హాని కలిగించని గ్రీన్ ఇండస్ట్రీస్ స్థాపనకు భూమి కేటాయింపుల్లో ప్రాధాన్యత ఇస్తామని, మౌలిక సదుపాయాల కల్పన కోసం ప్రత్యేక నిధిని ఏర్పాటు చేసినట్లు ఈరోజు ఉదయం విడుదల చేసిన నివేదికలో పేర్కొన్నారు.

---------------

హిందూస్తాన్ సమచార్ / Santhosha Laxmi