నిజామాబాద్ జిల్లా: , 12 ఆగస్టు (హి.స.)

నిజామాబాద్ జిల్లా ఆర్మూర్ సమీపంలో 44వ నంబర్ జాతీయ రహదారిపై నిన్న అర్ధరాత్రి దాటిన తర్వాత ఘోర రోడ్డు ప్రమాదం చోటుచేసుకుంది. వేగంగా దూసుకొచ్చిన ఒక లారీ, రోడ్డు పక్కన ఆగి ఉన్న కారును బలంగా ఢీకొట్టింది. ఈ ప్రమాదంలో కారులో ప్రయాణిస్తున్న ఇద్దరు వ్యక్తులు తీవ్ర గాయాలతో అక్కడికక్కడే మరణించారు. ప్రమాదం జరిగిన సమయంలో కారులో ఉన్న మరో వ్యక్తికి తీవ్ర గాయాలు కాగా, స్థానికులు తక్షణమే స్పందించి నిజామాబాద్ ప్రభుత్వ ఆసుపత్రికి తరలించారు. లారీ డ్రైవర్ అతివేగం, నిద్రమత్తే ఈ ప్రమాదానికి కారణమని పోలీసులు ప్రాథమిక దర్యాప్తులో తేల్చారు. ప్రమాదం జరిగిన వెంటనే లారీ డ్రైవర్ పరారవగా, పోలీసులు కేసు నమోదు చేసుకుని గాలింపు చర్యలు చేపట్టారు.

---------------

హిందూస్తాన్ సమచార్ / Santhosha Laxmi