హైదరాబాద్, 12 ఆగస్టు (హి.స.)

హైదరాబాద్ సెంట్రల్ యూనివర్సిటీ (HCU) క్యాంపస్‌లో నిన్న అర్ధరాత్రి దాటిన తర్వాత భద్రతా సిబ్బంది మరియు ఈగల్ టీమ్ సంయుక్తంగా మెరుపు దాడులు నిర్వహించాయి. క్యాంపస్ లోపల విద్యార్థులు మాదకద్రవ్యాలు వాడుతున్నారనే నమ్మదగిన సమాచారంతో ఈ సోదాలు జరిగాయి. ఈ తనిఖీల్లో సుమారు 17 మంది విద్యార్థులు గంజాయి సేవించినట్లు వైద్య పరీక్షల్లో ప్రాథమికంగా నిర్ధారణ అయింది. వారి వద్ద నుంచి కొంత మొత్తంలో గంజాయిని మరియు ఇతర నిషేధిత పదార్థాలను భద్రతా సిబ్బంది స్వాధీనం చేసుకున్నారు. పట్టుబడిన విద్యార్థులపై యూనివర్సిటీ నిబంధనల ప్రకారం కఠినమైన క్రమశిక్షణా చర్యలు తీసుకుంటామని, అవసరమైతే పోలీసులకు అప్పగిస్తామని వర్సిటీ యంత్రాంగం స్పష్టం చేసింది. విద్యాసంస్థల్లో డ్రగ్స్ సంస్కృతిని పూర్తిగా అణచివేయడానికి ఇటువంటి తనిఖీలను నిరంతరం కొనసాగిస్తామని అధికారులు తెలిపారు. విద్యార్థులు తమ భవిష్యత్తును పాడుచేసే అలవాట్లకు దూరంగా ఉండాలని, క్యాంపస్ ప్రశాంతతను దెబ్బతీస్తే సహించేది లేదని హెచ్చరించారు

---------------

హిందూస్తాన్ సమచార్ / Santhosha Laxmi