హైదరాబాద్, 12 ఆగస్టు (హి.స.)

తెలంగాణకు చెందిన ఒక యువకుడు ఉన్నత చదువులు మరియు ఉద్యోగం కోసం విదేశాలకు వెళ్లి అక్కడ జరిగిన ఘోర రోడ్డు ప్రమాదంలో ప్రాణాలు కోల్పోయాడు. జగిత్యాల జిల్లాకు చెందిన ఒక యువకుడు యూరప్‌లో నిన్న అర్ధరాత్రి జరిగిన రోడ్డు ప్రమాదంలో అక్కడికక్కడే మృతి చెందాడు. ఈ విషాద వార్త ఈరోజు ఉదయం వారి స్వగ్రామానికి చేరడంతో కుటుంబ సభ్యులు, బంధువులు తీవ్ర శోకసముద్రంలో మునిగిపోయారు. మృతుడు గత కొన్నేళ్లుగా యూరప్‌లో నివసిస్తూ తన కెరీర్‌ను నిర్మించుకునే పనిలో ఉన్నాడు. ప్రమాదం జరిగిన సమయంలో వాహనం అదుపు తప్పి డివైడర్‌ను బలంగా ఢీకొట్టినట్లు తెలుస్తోంది. మృతదేహాన్ని వీలైనంత త్వరగా స్వదేశానికి తీసుకురావడానికి సహాయం చేయాలని బాధిత కుటుంబ సభ్యులు రాష్ట్ర ప్రభుత్వాన్ని, విదేశీ వ్యవహారాల శాఖను వేడుకుంటున్నారు. స్థానిక ప్రజాప్రతినిధులు బాధితులను పరామర్శించి, ప్రభుత్వ పరంగా తగిన సహాయ సహకారాలు అందిస్తామని హామీ ఇచ్చారు

---------------

హిందూస్తాన్ సమచార్ / Santhosha Laxmi