హైదరాబాద్, 16 ఆగస్టు (హి.స.)

ఆంధ్రప్రదేశ్ రాజధాని ప్రాంతమైన విజయవాడ నగరంలో ఈరోజు ఉదయం నుంచి ఉపాధ్యాయ అభ్యర్థులు పెద్ద ఎత్తున రోడ్లపైకి వచ్చి భారీ ఆత్మగౌరవ ర్యాలీ చేపట్టారు. గత డీఎస్సీ (DSC) పరీక్షల్లో అర్హత సాధించి, ఇప్పటికీ ఉపాధ్యాయ నియామక పత్రాలు అందక మానసిక ఒత్తిడి ఎదుర్కొంటున్న విజేతలు ప్రభుత్వ నిర్లక్ష్య వైఖరికి వ్యతిరేకంగా ఈ ఆందోళన చేపట్టారు. తమకు తక్షణమే పోస్టింగ్ ఆర్డర్లు ఇవ్వాలని, పాఠశాలల్లో ఖాళీలను భర్తీ చేయాలని డిమాండ్ చేస్తూ వందలాది మంది అభ్యర్థులు నగరంలోని ప్రధాన కూడళ్ల గుండా నిరసన ప్రదర్శనలు నిర్వహించారు. ఈ ఆకస్మిక ర్యాలీ కారణంగా విజయవాడలోని పలు ప్రధాన రహదారులపై వాహనాలు కిలోమీటర్ల మేర నిలిచిపోయి ట్రాఫిక్ పూర్తిగా స్తంభించింది. శాంతిభద్రతల పరిరక్షణ కోసం పోలీసులు భారీగా మోహరించి నిరసనకారులను శాంతింపజేసే ప్రయత్నం చేస్తున్నారు. తమ సమస్యను ముఖ్యమంత్రి దృష్టికి తీసుకెళ్లే వరకు వెనక్కి తగ్గేదే లేదని ఉపాధ్యాయ అభ్యర్థుల సంఘం స్పష్టం చేసింది

---------------

హిందూస్తాన్ సమచార్ / Santhosha Laxmi